नेवासा, अहमदनगर (समाजशील वृत्तसेवा) : घोडेगाव ता. नेवासा येथे महात्मा फुले कृषि विद्यापीठ राहुरी संलग्नित असलेल्या सुलोचना बेल्हेकर समाजिक व बहुउद्देशीय शिक्षण संस्था अंतर्गत कृषि महाविद्यालय, भानसहिवरे येथील ग्रामीण कृषि जागरूकता व कृषि औद्योगिक कर्यानुभव कार्यक्रम (RAWE & AIA) अंतर्गत कृषिदूतांनी व्यवसाय प्रशिक्षण कार्यक्रमाअंतर्गत शेतकऱ्यांना मधुमक्षिका पालन बाबत मार्गदर्शन करण्यात आले. कृषिदुत – गवळी विकास, गरड प्रदीप, गिरमकर ओम, खिलारी सचिन, पेहेरे सचिन यांनी घोडेगाव येथे भविष्यातील व्यावसायिक दृष्टिकोन लक्षात घेता गावातील शेतकरी फळबाग उत्पादक, दूध उत्पादक तसेच गावातील प्रगतशील शेतकरी व ग्रामस्थ यांना मधमाशीपालन व रोजगार निर्मिती, मधमाशी पालनामुळे शेती उत्पादनाला होणारा फायदा, मधमाशींच्या विविध प्रजाती, कार्यपद्धती व जीवनप्रणाली, मधमाशी पालनासाठी आवश्यक असणारे साहित्य, मधमाशी हातळताना व स्थलांतर करताना घ्यावयाची काळजी, मधमाशींचे हंगामानीहाय व्यवस्थापन, मधमाशी पासून मिळणारे विविध पदार्थ, मधमाशी हाताळणी व पाहणी, मध प्रक्रिया व मधाच्या विविध तपासण्या याबाबत सखोल माहिती शेतकऱ्यांना दिली. यावेळी विद्यालयाचे प्राचार्य व कार्यक्रमाधिकारी प्रा. मनोज माने व कीटकशास्त्र विभागाचे प्रा. उमेश महाजन यांचे मोलाचे मार्गदर्शन लाभले.
