शिरूर,पुणे : (प्रा.सुभाष शेटे,कार्यकारी संपादक) – शिरूर तालुक्यातील कवठे येमाई गावठाण येथील प्रसिद्ध जागृत देवस्थान श्री दत्तगुरुंचा मागील ४८ वर्षांपासून अखंडितपणे सुरु असलेला सप्ताह सोहळा (मागील वर्ष वगळता) व जयंती उत्सवास आज रविवार दि. १२ ला सकाळी गावातून भागवत पताका उंचावत,विठू नामाचा गजर करीत ग्रंथराज,कलश,विना,यांचा भाविक,वारकऱ्यांनी टाळ मृदूंगाच्या साथीत भजनाने भक्तिमय वातावरणात दिंडी सोहळा संपन्न झाला व खंड हरीनाम सप्ताहास सुरुवात झाली.
यावेळी आखिल भारतीय वारकरी विश्व सेना पुणे जिल्हा उपाध्यक्ष प्रसिद्ध प्रवचन व कीर्तनकार ह.भ.प. हिरामण महाराज कर्डिले, ह.भ.प.आनंदा महाराज पवार व ह.भ.प. बबन महाराज पवार,विणेकरी दशरथ गावडे,ग्रंथ,कलश मधुकर शिंदे,प्रताप पाटील इचके,बबन पोळ,गणेश रत्नपारखी,बबुशा कांदळकर पाटील,फक्कडराव सांडभोर,प्रमोद घाटकर,बाळासाहेब इचके व अनेक भक्तगण या दिंडी सोहळ्यात श्रद्धेने सहभागी झाले होते.
कोरोना महामारी व शासनाच्या कोरोना प्रतिबंधक सूचना व नियमावलीस अनुसरून अखंड हरीनाम सप्ताह संपन्न करण्याचे व सप्ताह कालावधीत भाविक भक्तांच्या उपस्थितीत वीणाप्रहा
