शिक्रापूर ता. शिरुर : (प्रतिनिधी,राजाराम गायकवाड ) – शिरुर तालुक्यात अत्यंत महत्वाच्या समजल्या जाणाऱ्या शिक्रापूर ग्रामपंचायतीच्या उपसरपंचपदी जयश्री दोरगे यांची बिनविरोध निवड करण्यात आल्याची माहिती ग्रामविकास आधिकारी बी.बी.गोरे यांनी दिली. शिक्रापूर ग्रामपंचायत मध्ये सत्ताधारी गटाचे ९ तर विरोधी गटाचे ८ असे बलाबल आहे .उपसरपंचपदासाठी जयश्री दोरगे व निलेश थोरात यांनी उमेदवारी अर्ज दाखल केले .यामध्ये दोरगे यांना ९ तर थोरात यांना ८ मते पडली .दोरगे यांना ९ मते पडल्याने त्यांना विजयी म्हणून घोषित करण्यात आले . यावेळी सर्व ग्रामपंचायत सदस्य उपस्थित होते. निवडणूकीनंतर ग्रामपंचायत कार्यालयात जि.प सदस्या रेखाताई बांदल यांच्या हस्ते सत्कार करण्यात आला. यावेळी अनेक मान्यवर,पदाधिकारी उपस्थित होते . गावातील विकासकामे करण्यासाठी या पदाचा पुरेपूर उपयोग करणार असल्याचे दोरगे यांनी सा. समाजशील प्रतिनिधीशी बोलताना सांगितले.
Previous Postमाहेर संस्थेतील अनाथ मुलांसोबत रक्षाबंधन - रामलिंग महिला उन्नती बहुउद्देशीय सामाजिक संस्थेचा उपक्रम
Next Postवारजे - माळवाडीत पोलिस,शासकीय कर्मचा-यांना राख्या बांधून राखी पौर्णिमा साजरी - भाजपच्या महिला पदाधिका-यांचा उपक्रम