Home महाराष्ट्र पुणे आंबेगाव घोडेगाव पोलीस ठाणे येथे सुमारे ४० मोटरसायकली बेवारस

घोडेगाव पोलीस ठाणे येथे सुमारे ४० मोटरसायकली बेवारस

By SamajsheelOct 15, 2020, 10:56 am0

615

ज्या नागरिकांच्या या मोटरसायकली असतील त्यांनी संपर्क साधावा

घोडेगाव, ता.आंबेगाव (-प्रतिनिधी,सीताराम काळे) : घोडेगाव पोलिस ठाण्यात चोरी अपघात अशा खटल्यातील बेवारस अवस्थेत असलेल्या मोटर सायकल पडून आहेत त्यांच्यावर मागील दहा वर्षापासून कुणीही मालकी हक्क सांगत नाही. त्यामुळे ज्या कोणा नागरिकांच्या गाड्या असतील त्यांनी घोडेगाव पोलीस ठाण्यात संपर्क साधावा असे, आवाहन पोलीस ठाण्याचे सहाय्यक पोलीस निरीक्षक प्रदीप पवार यांनी केले आहे. घोडेगाव पोलीस ठाणे येथे सुमारे ४० मोटरसायकली बेवारस, धूळखात, गंजलेल्या अवस्थेत पडून आहेत. सन २०१० पासून त्यांच्यावर कोणत्याही व्यक्तींनी आपला मालकी हक्क सांगितला नाही. तसेच आजपर्यंत कोणत्याही विमा कंपन्यांनी सदर जप्त मोटरसायकलवर दावा केलेला नाही. चोरी, अपघात, भांडण आदि खटल्यांतील या मोटरसायकली आहेत. ज्या नागरिकांच्या या मोटरसायकली असतील त्यांनी घोडेगाव पोलिस ठाण्यातील ०२१३३-२४४१३३ या क्रमांकावर संपर्क साधावा अगर प्रत्यक्ष पोलीस ठाण्यात येऊन भेटावे, असे सहाय्यक पोलीस निरीक्षक प्रदीप पवार यांनी सांगितले.