घोडेगाव, ता.आंबेगाव (-प्रतिनि
या भागात ३ जूनच्या चक्रीवादळामुळे गावातील शाळा व सार्वजनिक समाज मंदिर या इमारतींचे पत्रे उडून गेले आणि बांधकाम पण काही अंशी खचले आहे. जून व जुलै महिन्यात पावसाचे जास्त प्रमाण, विजेचा नेहमीच अनियमित पुरवठा आदी अनेक समस्या युवकांच्या समोर होत्या मात्र गावातील तरुणांनी योग्य नियोजन केले सुरुवातीस त्या गावातील एका व्यक्तीच्या घरात शाळा-अभ्यास वर्ग सुरू केला. ९ ऑगस्ट पासून गावातील २० ते २२ वर्षापूर्वीच्या अतिशय जीर्ण सार्वजनिक समाज मंदिर इमारतीमध्ये अभ्यास वर्गाचे कार्य चालू आहे. शाळेमध्ये पहिली ते दहावीपर्यंत शिक्षण घेणाऱ्या विद्यार्थ्यांना सर्व विषयांचे मूलभूत अध्यापन केले जात आहे. इयत्ता, वेळ, विषय अध्यापक करणारे घटक यांचे नियोजन करून वेळापत्रक तयार करून अध्यापन केले जात आहे. रविवारी स्पर्धा परीक्षा उपयुक्त सामान्य ज्ञान व ज्ञान या विषयावर चर्चासत्र घेतली जातात. काही आधुनिक शैक्षणिक साहित्य उपलब्ध करून देण्यात आले आहे.
