मिळालेल्या अधिक माहिती नुसार.पिंपरखेड – काठापूर रस्त्याच्या बाजूला सेवानिवृत्त पोलिस अधिकारी दयानंद ढोमे यांचे घर आहे.ते पुणे येथे रहात असून मंगळवारी रात्री दोनच्या सुमारास अज्ञात चोरट्यांनी संरक्षण भिंतीवरून आत जाऊन बंद असलेल्या घराच्या दरवाजाचे लोखंडी हत्याराने लॉक तोडले आणि घरात प्रवेश केला.चोरट्यांनी घरातील टी व्हि संच ,तसेच कपाटातील कपडे अस्ताव्यस्त करून कपाटातील दागिने आणि ५६ हजार रुपये असा १ लाख ३२ हजारांचा ऐवज लंपास केला.दुसऱ्या दिवशी सकाळी शेजाऱ्यांच्या निदर्शनास आल्यानंतर त्यांनी तत्काळ दयानंद ढोमे यांना घटनेची माहिती दिली.सेवानिवृत्त पोलीस अधिकारी जी.पी.दाभाडे व गावचे पोलीस पाटील सर्जेराव बोऱ्हाडे यांनी घटनास्थळी भेट देऊन पहाणी करून पोलिसांना खबर दिली. स्थानिक गुन्हे अन्वेषण विभागाचे पोलिस निरीक्षक पद्माकर घनवट यांच्या मार्गदर्शनाखाली,शिरूर पोलिस ठाण्याचे सहाय्यक पोलिस निरीक्षक बिरुदेव काबुगडे, सहाय्यक फौजदार दत्तात्रय गिरमकर,पोलिस हवालदार जनार्दन शेळके,पोलिस नाईक मंगेश थिगळे,अजित भुजबळ, ठसे तज्ञ विभागाचे पोलिस हवालदार रवी भोसले यांनी घटनास्थळी भेट देऊन पहाणी केली.गुरुवारी ( दि.११ ) रोजी पोलीस कर्मचारी एस डी.रोकडे हे श्वान पथकसह दाखल झाले. सदर श्वानाने घराच्या आत बाहेर माग काढण्याचा प्रयत्न केला.परंतु यश आले नाही.या घटनेचा अधिक तपास सहाय्यक पोलीस निरीक्षक काबूगडे हे करत असून या चोरीचा छडा लावण्याचे आश्वास काबुगडे यांनी दिले आहे.
शिरूर तालुक्यातील टाकळीहाजी चौकी अंतर्गत येणाऱ्या गावामध्ये अनेक लहान मोठ्या चोरीच्या घटना वरचेवर घडत असतात परंतु सदर घटनाकडे पोलिसांकडून कर्मचारी संख्येची कमतरता असल्याचे कारण देत जाणीव पूर्वक डोळेझाक होत आहे. सामान्य जनतेच्या प्रश्नाना न्याय मिळत नसून येथील वाढते गन्हे लक्षात घेऊन येथे लवकरात लवकर टाकळीहाजी पोलिस स्टेशन होण्याची गरज आहे.
– जी.पी.दाभाडे
सेवानिवृत्त पोलिस निरीक्षक