या प्रसंगी ध्वजगीत, राष्ट्रगीत, समुहगीत, संविधान वाचन, विद्यार्थ्यांची भाषण, नृत्य, कराटे योगा, इ. कार्यक्रम सादर करण्यात आले. विविध परीक्षेत प्राविण्य मिळविलेल्या विद्यार्थ्यांचा मान्यवरांच्या हस्ते सन्मान चिन्ह देऊन गौरव करण्यात आला. तसेच प्रमुख पाहुण्यांचा शाल, श्रीफळ, पुष्पगुच्छ, पुस्तक व सन्मानचिन्ह देऊन सत्कार करण्यात आला. कार्यक्रमाच्या प्रसंगी संस्थेचे अध्यक्ष डॉ.राजेराम घावटे यांनी संस्थेचे ध्येय, धोरण, भविष्यातील उपक्रम या बद्दल मार्गदर्शन केले. तसेच कार्यक्रमाचे अध्यक्ष डॉ.शिरीष रावण यांनी ‘‘जागतिक शिक्षणातील महत्व व संधी”, या विषयावर आंतरराष्ट्रीय पातळीवर शाश्वत विकासाच्या ध्येया बद्दल शिक्षक व विद्यार्थ्यांना मार्गदर्शन केले. कोरोनाच्या पार्श्वभूमीवर सुरक्षित अंतर व नियमांचे पालन करून कार्यक्रम संपन्न झाला. या कार्यक्रमाच्या प्रसंगी ज्ञानगंगा इंटरनॅशनल स्कूल च्या मुख्याध्यापिका रूपाली जाधव, ज्ञानगंगा विश्व विद्यालय अॅन्ड ज्युनिअर कॉलेज ऑफ सायन्स अॅन्ड कॉमर्सचे मुख्याध्यापक संतोष येवले सर यांनी देखील आपले मनोगत व्यक्त केले. तर प्रा.सौरव शिंदे यांनी सर्व उपस्थित मान्यवरांचे आभार मानले.
