शिरूर,पुणे : (प्रा.सुभाष एन शेटे,कार्यकारी संपादक) – शिरूर तालुक्यातील कवठे येमाई येथे ग्रामपंचायतीस नागरिकांकडून देय असलेली सन २०२२/२३ साठीची करवसुली मोहीम गतिमानतेने सुरु करण्यात आली असून ग्रामस्थांनी ही ग्रामपंचायतीस देय असलेली घरपट्टी,पाणीपट्टी व इतर कर भरून सहकार्य करण्याचे आवाहन ग्रामविकास अधिकारी चेतन वाव्हळ,,सरपंच सुनीता बबनराव पोकळे,उपसरपंच विठ्ठल मुंजाळ व ग्रामपंचायत प्रशासनाने केले आहे. तर मार्च २०२३ अखेर १०० टक्के कर वसुली करण्याचा प्रयत्न करणार असल्याचे वाव्हळ यांनी सा.समाजशील शी बोलताना सांगितले.
नवीन वर्ष २०२३ सुरु झाल्याने ग्रामपंचायत प्रशासनाकडून कर वसुली मोहीम अधिक प्रभावीपणे राबविण्यास सुरुवात झाली आहे. ग्रामपंचायत कर्मचारी बबनराव शिंदे,प्रतिमा काळे,विकास उघडे,अमोल पंचरास,मुख्य लेखनिक वसंत सावंत,गणेश दळवी यांनी ग्रामपंचायतीतील आपापली कामे सांभाळून ग्रामपंचायतीस जास्तीत जास्त करवसुली होण्याकामी प्रयत्न करणार असल्याचे सांगितले. नागरिकांनी ग्रामपंचायतीस दिलेल्या करातूनच आरोग्य,दिवाबत्ती,स्वच्छता,पाणी
