शिरूर, पुणे (समाजशील वृत्तसेवा) : शिरूर तहसील कार्यालयातील पुरवठा विभागात मोठ्या प्रमाणात भ्रष्टाचार होत आहे. नागरिकांची होणारी पिळवणूक थांबवून पैसा वसुल करणाऱ्यांवर कारवाई करावी अशी मागणी उद्धव बाळासाहेब ठाकरे शिवसेनेचे अविनाश घोगरे यांनी तहसीलदार यांच्याकडे निवेदनाद्वारे केली. शिरूर तहसील कार्यालयातील पुरवठा विभाग हा नागरिकांच्या जिव्हाळ्याचा विभाग आहे. रेशन कार्ड काढणे, दुबार रेशनकार्ड कार्ड साठी वारंवार हेलपाटे मारावे लागतात. पुरवठा विभागातील कर्मचारी नागरिकांकडून आर्थिक लूट करत असल्याचे अनेक तक्रारी आल्या तरी देखील कारवाई होताना दिसत नाही. कोरोना महामारीने आर्थिक संकट मोठे आहे. केंद्र सरकार सर्वसामान्य नागरिकांना आधार देत मोफत धान्य देत आहे. मात्र त्यासाठी रेशन कार्ड हे आधार कार्डशी लिंक करावे लागते. याचा गैर फायदा पुरवठा विभागातील खासगी नेमणूक केलेल्या व्यक्ती घेत असल्याचा आरोप अविनाश घोगरे यांनी केला. नागरिकांची लूट करणाऱ्या कर्मचारी यांच्यावर त्वरित कारवाई करावी अशी मागणी तहसीलदार यांना निवेदन देऊन करण्यात आली. याबाबत तहसीलदार नेमकी कोणती भूमिका घेणार हे पाहणे महत्वाचे ठरेल.
पुणेमहाराष्ट्रशिरूर
नागरिकांची लूट करणाऱ्या कर्मचाऱ्यांवर त्वरित कारवाई – अविनाश घोगरे
By SamajsheelFeb 11, 2023, 15:16 pm0
300
Previous Postआळंदी धर्मशाळा उपाध्यक्षपदी धसई गावच्या चिंतामण घोलप यांची नियुक्ती
Next PostРабочее Зеркало 1xbet На Сегодня официальный Сайт 1хбе