शिरूर,पुणे : (प्रा.सुभाष शेटे,कार्यकारी संपादक) – शिरूर तालुक्यातील कवठे येमाई येथे ग्रामपंचायतीस नागरिकांकडून देय असलेली सन २०२१/२२ साठीची करवसुली मोहीम गतिमानतेने सुरु करण्यात आली असून ग्रामस्थांनी ही ग्रामपंचायतीस देय असलेली घरपट्टी,पाणीपट्टी व इतर कर भरून सहकार्य करण्याचे आवाहन ग्रामविकास अधिकारी संतोष गायकवाड,सरपंच मंगलताई सांडभोर,उपसरपंच विठ्ठल मुंजाळ व ग्रामपंचायत प्रशासनाने केले आहे.मार्च २०२२ अखेर १०० टक्के करा वसुली करण्याचा प्रयत्न करणार असल्याचे गायकावड यांनी सांगितले.
नवीन वर्ष २०२२ आज सुरु झाल्याने ग्रामपंचायत प्रशासनाकडून कर वसुली मोहीम अधिक प्रभावीपणे राबविण्यास सुरुवात झाली आहे. ग्रामपंचायत कर्मचारी बबनराव शिंदे,प्रतिमा काळे,विकास उघडे,अमोल पंचरास,वसंत सावंत,हौशीराम शिंदे,गणेश दळवी यांनी ग्रामपंचायतीतील आपापली कामे सांभाळून ग्रामपंचायतीस जास्तीत जास्त करवसुली होण्याकामी प्रयत्न करणार असल्याचे सांगितले. नागरिकांनी दिलेल्या करातूनच आरोग्य,दिवाबत्ती,स्वच्
