शिरूर,पुणे : (प्रा.सुभाष शेटे,कार्यकारी संपादक) – १५ वर्षे शिरूर लोकसभा मतदार संघाचे प्रतिनिधीत्व केलेले,सहा ही तालुक्यातील अगदी शेवटच्या गावांपर्यंत दांडगा जनसंपर्क असलेले शिवसेनेचे माजी खासदार शिवाजीराव आढळराव पाटील यांच्या पाठीशी सर्वांनीच एकजुटीने भक्कम उभे राहण्याचे आवाहन युवासेनेचे अक्षय आढळराव पाटील यांनी केले.ते आज शिरूर तालुक्यातील विविध गावांत आयोजित संवाद दौऱ्या अंतर्गत शिरूर तालुक्यातील कवठे येमाई येथील कार्यकर्त्यांना मार्गदर्शन करताना बोलत होते.
एकेकाळी राष्ट्रवादी काँग्रेस चा बालेकिल्ला समजल्या जाणाऱ्या कवठे येमाई ग्रामपंचायतीवर मागील निवडणुकीत शिवसेनेचे पंचायत समिती सदस्य डॉ. सुभाष पोकळे यांनी अत्यंत कुशलतेने सत्ता पालट करताना एक हाती सत्ता मिळवत ग्रामपंचायतीवर प्रथमच भगवा फडकविला व वर्चस्व प्रस्थापित केले. गावात मतदारांची संख्या भरपूर व गण,गटात निर्नायक ठरू शकणारी असल्याने आज तरी शिवसेनेचेच पारडे जाड असल्याचे पाहावयास मिळते.
अक्षय आढळराव पाटील – युवानेते,शिवसेना,शिरूर लोकसभा
” मागच्या वेळेस आपण सर्वच जण गाफील राहिलो. आता मात्र मरगळ झटका,गावागावातील सर्व सामान्य नागरिक,मतदार यांच्या पर्यंत पोहचा,त्यांच्या अडचणी,समस्या जाणून घ्या व त्या प्राधान्याने सोडविण्याचा प्रयत्न करा.दादा ३ वेळा खासदार असताना मतदार संघात अनेक विकास कामे त्यांनी मार्गी लावली. पंतप्रधान ग्रामसडक योजनेतून अनेक रस्त्यांची मजबूत कामे केली. मागील निवडणुकीत लोकांनी बदल केला. पण त्यांचा अनुभव ऐकता त्यांनी केलेली चूक त्यांच्या लक्षात येत असून ती चूक आता परत होणार नाही असे आश्वासन मतदारसंघात संपर्क दौऱ्या दरम्यान अनेक नागरिक देताना दिसत आहेत. अधिकाधिक विकासाने होण्यासाठी आगामी लोकसभा निवडणुकीत दादांना भक्कम साथ देत पुन्हा संसदेत पाठवा.”
बापूसाहेब शिंदे – पुणे जिल्हा प्रमुख,युवा शिवसेना
” माजी खासदार शिवाजीराव आढळराव पाटील हे सर्वसामान्यांचे प्रश्न पोटतिडकीने सोडविणारे नेते असून मतदार संघाच्या सहाही तालुक्यात गावागावात थेट संपर्क ठेवणारे एकमेव नेते आहेत. मागचा पराभव विसून पुन्हा नव्या जोमाने व ताकदीने कामाला लागा व आपला माणूस शिवाजीराव आढळराव पाटील यांना पुन्हा संसदेत पाठवा”
यावेळी शिवसेनेचे युवा जिल्हा प्रमुख बापुसाहेब शिंदे, कार्यकारिणी सदस्य सचिन बांगर,उद्योग आघाडीचे जिल्हा प्रमुख अभिजित बगाटे, युवा सेना शिरूर तालुका प्रमुख विष्णू वाळके, उपप्रमुख अमोल पोकळे, युवासेना विद्यार्थी आघाडी संग्राम शिंदे,युवासेनेचे मदत कक्ष प्रमुख योगेश बाणखेले,युवासेना समन्वयक गोवर्धन पाचंगे,शिरूर पंचायत समितीच्या माजी सदस्या डॉ.कल्पना पोकळे,युवा सेना कवठे शाखा प्रमुख अशोकराव गावडे, सामाजिक कार्यकर्ते अविनाश पोकळे,उपसरपंच उत्तमराव जाधव,युवासेना शाखा प्रमुख योगेश घोडे,किसन हिलाळ,भरत रोडे व अनेक मान्यवर,ग्रामस्थ उपस्थित होते. कार्यक्रमाचे सूत्रसंचालन युवासेनेचे स्थानिक कार्यकर्ते अविनाश पोकळे यांनी तर आभार युवा सेना शाखा प्रमुख अशोकराव गावडे यांनी मानले
यावेळी शिवसेनेचे युवा जिल्हा प्रमुख बापुसाहेब शिंदे, कार्यकारिणी सदस्य सचिन बांगर,उद्योग आघाडीचे जिल्हा प्रमुख अभिजित बगाटे, युवा सेना शिरूर तालुका प्रमुख विष्णू वाळके, उपप्रमुख अमोल पोकळे, युवासेना विद्यार्थी आघाडी संग्राम शिंदे,युवासेनेचे मदत कक्ष प्रमुख योगेश बाणखेले,युवासेना समन्वयक गोवर्धन पाचंगे,शिरूर पंचायत समितीच्या माजी सदस्या डॉ.कल्पना पोकळे,युवा सेना कवठे शाखा प्रमुख अशोकराव गावडे, सामाजिक कार्यकर्ते अविनाश पोकळे,उपसरपंच उत्तमराव जाधव,युवासेना शाखा प्रमुख योगेश घोडे,किसन हिलाळ,भरत रोडे व अनेक मान्यवर,ग्रामस्थ उपस्थित होते. कार्यक्रमाचे सूत्रसंचालन युवासेनेचे स्थानिक कार्यकर्ते अविनाश पोकळे यांनी तर आभार युवा सेना शाखा प्रमुख अशोकराव गावडे यांनी मानले
