शिरूर, पुणे : शिरूर लोकसभा मतदार संघातील महायुतीचे उमेदवार, माजी खासदार शिवाजीराव आढळराव पाटील यांना शिरूर – हवेली मतदार संघातून मोठे मताधिक्य मिळवून देण्याचा निर्धार महाराष्ट्र नवनिर्माण सेनेच्या पदाधिकारी व कार्यकर्त्यांनी केला. मनसैनिकांच्या पाठिंब्यामुळे माझी ताकद वाढली असून, राज ठाकरे यांच्या पाठिंब्यामुळे तरूणांची ताकद प्राप्त होणार असून, माझा उत्साह द्विगुणीत झाला असल्याचे आढळराव पाटील यांनी नमूद केले.
मनसे चे अध्यक्ष राज ठाकरे यांनी महायुतीला पाठिंबा दिला असल्याच्या पार्श्वभूमीवर शिरूर व हवेली तालुक्यातील मनसेचे पदाधिकारी व कार्यकर्त्यांच्या वाघोली येथे झालेल्या नियोजन बैठकीत आढळराव पाटील यांना मोठे मताधिक्क्य मिळवून देण्याचा निर्धार करण्यात आला. यावेळी मनसेचे नेते राजेंद्र उर्फ बाबू वागसकर, प्रदेश सरचिटणीस बाळा शेडगे, कामगार सेनेचे जिल्हाध्यक्ष नरेंद्र तांबोळी, पुणे शहर उपाध्यक्ष हेमंत बत्ते, जिल्हाध्यक्ष रामदास दरेकर, उपाध्यक्ष महिबूब सय्यद, काका गायकवाड, किरण गव्हाणे, पंचायत समितीच्या माजी सदस्या सविता दरेकर, ॲड. राहुल कदम, शिरूर तालुकाध्यक्ष तेजस यादव, तालुका संघटक अविनाश घोगरे, तालुका उपाध्यक्ष रवींद्र गुळादे, हवेली तालुकाध्यक्ष चेतन चौधरी, शिरूर शहर अध्यक्ष ॲड. आदित्य मैड, सचिव रवीराज लेंडे, संतोष नरके, सुनिल दरेकर, धर्मा गावडे आदी प्रमुख पदाधिकारी यावेळी उपस्थित होते.
या नियोजन बैठकीत, श्री. आढळराव पाटील यांच्या प्रचारार्थ मनसे च्या वतीने संपर्क मोहिम हाती घेण्यात आली असून, शिरूर – हवेलीत घर टू घर प्रचाराचे नियोजन करण्यात आल्याचे रामदास दरेकर यांनी सांगितले. मनसेच्या पाठिंब्यामुळे महायुतीला बळ येणार असल्याचे आढळराव पाटील यांनी नमूद केले. मराठी भाषेला अभिजात भाषेचा दर्जा मिळवून देण्यासाठी संसदेत प्रयत्न केले जातील, असेही ते म्हणाले. राज ठाकरे हे तरूणांच्या गळ्यातील ताईत असून, त्यांच्या पाठिंब्याचा महायुतीला मोठा लाभ होणार असल्याचे त्यांनी आवर्जून सांगितले. मुख्यमंत्री एकनाथ शिंदे, उपमुख्यमंत्री अजित पवार व देवेंद्र फडणवीस यांनी पक्षाध्यक्ष राज ठाकरे साहेब यांच्याशी मराठी तरूणांच्या प्रश्नावर सखोल चर्चा केली असून, सरकारची याबाबतीतली ध्येयधोरणे पसंत पडल्याने आणि पंतप्रधान नरेंद्र मोदी यांच्यासारखे कणखर नेतृत्व देशाला लाभत असल्यानेच ठाकरे यांनी महायुतीला पाठिंबा देण्याचा निर्णय घेतला असल्याची माहिती मनसेचे नेते राजेंद्र (बाबू) वागसकर यांनी दिली.
मनसेचे पुणे शहर उपाध्यक्ष हेमंत बत्ते यांनी उपस्थितांचे स्वागत केले तर उपजिल्हाध्यक्ष महिबूब सय्यद यांनी आभार मानले. यावेळी पुणे जिल्हा बॅंकेचे संचालक प्रदीप कंद, माजी नगरसेवक शांताराम कटके, भाजप हवेली तालुकाध्यक्ष श्याम गावडे, शिरूर- हवेली तालुका सरचिटणीस विजय जाचक आदी यावेळी उपस्थित होते.
मनसेचे पुणे शहर उपाध्यक्ष हेमंत बत्ते यांनी उपस्थितांचे स्वागत केले तर उपजिल्हाध्यक्ष महिबूब सय्यद यांनी आभार मानले. यावेळी पुणे जिल्हा बॅंकेचे संचालक प्रदीप कंद, माजी नगरसेवक शांताराम कटके, भाजप हवेली तालुकाध्यक्ष श्याम गावडे, शिरूर- हवेली तालुका सरचिटणीस विजय जाचक आदी यावेळी उपस्थित होते.
