Marathi
English
Gujarati
Hindi
Japanese
Kannada
Malayalam
Nepali
Portuguese
Punjabi
Tamil
Telugu
Urdu
पुण्यातील करोना रुग्णांची संख्या हजारांच्या घरात पोहोचली आहे. गर्दी टाळणे हाच करोना संसर्ग रोखण्यावरील प्रभावी उपाय असल्यामुळं याबाबत प्रशासनानं नियम व मार्गदर्शक सूचना जारी केल्या आहेत. त्यानुसार, मास्क अनिवार्य करण्यात आले असून मॉल, हॉटेल व अन्य सार्वजनिक ठिकाणी दोन डोस घेतलेल्या व्यक्तींनाच परवानगी आहे. मात्र, पुण्यातील मुंढवा परिसरातील हॉटेल ड्रंक अँड पांडा, हॉटेल अजेंट जॅक, हॉटेल मेट्रो आणि हॉटेल लोकलमध्ये नियमांचं सर्रास उल्लंघन सुरू होतं. लसीचे दोन डोस पूर्ण न झालेल्या व मास्क नसलेल्या व्यक्तींनाही हॉटेलात प्रवेश दिला जात असल्याचं आढळून आलं. त्यामुळं पोलिसांनी या हॉटेलांवर कारवाई केली आहे.
पोलिसांनी दिलेल्या माहितीनुसार, चारही हॉटेलच्या मॅनेजर्सवर कलम १८८, २६९, २७० अन्वये गुन्हा दाखल करण्यात आला आहे. रवी जनार्दन घोडके (वय २४, हॉटेल मॅनेजर, हॉटेल ड्रंक अँड पांडा), मारुती कोंडीबा गोरे (वय ३१, हॉटेल मॅनेजर, लोकल हॉटेल), कुणाल दशरथ मद्रे (वय २६, हॉटेल मॅनेजर,हॉटेल मेट्रो), राम जगन्नाथ गाढवे (वय ३२, हॉटेल मॅनेजर, हॉटेल अजेंटजॅक) अशी गुन्हा दाखल झालेल्यांची नावे आहेत. या चारही हॉटेल्समध्ये पोलिसांना कारवाईच्या वेळी अनावश्यक गर्दी जमलेली दिसली. हॉटेल व्यवस्थापनाने गर्दी नियंत्रणात ठेवणे व लोकांना आवाहन करणे गरजेचे होते. मात्र, तसे काहीही केले गेले नाही, असे पोलिसांनी सांगितले.
