शिरूर, पुणे (देवकीनंदन शेटे, संपादक) : महाराष्ट्र ही संतांची भूमी आहे. म्हणून या भूमीला खर्या अर्थाने संत परंपरेचे अनुष्ठान लाभले आहे. संत परंपरेमुळे महाराष्ट्राला समृद्ध वैचारिक वारसा लाभला आहे. याच माध्यमातून हा वारकरी संप्रदाय खर्या अर्थाने संपूर्ण जगभरात पोहोचायला मदत झाली. यामध्ये हरिपाठ, ग्रंथराज ज्ञानेश्वरी पारायण, गाथा भजन, प्रवचन, हरिकिर्तन, आदि सांप्रदायिक कार्यक्रम संपन्न होत असतात. संत सावता महाराज पुण्यतिथी निमित्त दरवर्षी महाराष्ट्रातील बहुतांश गावांमध्ये श्री संत शिरोमणी सावता महाराज पुण्यतिथी सोहळा पार पडतात. श्री संत शिरोमणी सावता महाराज प्रतिष्ठान, शिरूर (घोडनदी) यांच्या वतीने दि. २७ जुलै रोजी शिरूर येथे संत साहित्याचे गाढे अभ्यासक विनोदी कीर्तनकार ह.भ.प. ज्ञानेश्वर महाराज तांबे यांचे कीर्तन होणार असून, सायं. ५ वाजता हरिपाठ तसेच शिरूर पंचक्रोशीतील भजनी मंडळींचा भजनाचे आयोजन करण्यात आले आहे. तर हे कीर्तन शिरूर नगरपरिषद मंगल कार्यालय येथे संपन्न होणार असून, कीर्तनाचे थेट प्रेक्षेपण समाजशील न्यूज वर दाखवण्यात येणार असल्याचे प्रतिष्ठानचे अध्यक्ष किरण बनकर यांनी सांगितले. संत शिरोमणी सावता महाराज, संत ज्ञानेश्वर महाराज, संत नामदेव महाराज, संत एकनाथ महाराज, संत गोरा कुंभार, संत चोखामेळा, संत जनाबाई, संत तुकाराम महाराज, संत निवृत्तीनाथ, संत मुक्ताबाई, संत सोपानदेव यांच्यासोबतच अनेक संतांनी आपल्या अभंग, ओव्या, भारूडे यांच्या निरुपणातून समाजाला एक सकारात्मक दिशा देण्याच काम केलं. याच जाणीवेतून महाराष्ट्रात शेकडो वर्षांची परंपरा असलेले कीर्तनरुपी समाजप्रबोधन आजतागायत चालू आहेत.
![](https://samajsheel.com/wp-content/uploads/2022/07/Banner-Final-735x400.png)
पुणेमहाराष्ट्रशिरूर
शिरूर येथे श्री संत शिरोमणी सावता महाराज पुण्यतिथी सोहळ्याचे आयोजन
By SamajsheelJul 26, 2022, 15:47 pm0
Previous Postएक्सप्रीमेंटल मुविज प्रस्तूत नवीन रोमँटिक म्युजिक व्हिडीओ 'मन बरसे' रिलीज
Next Postशिक्षक आमदार जयंत आसगावकर यांच्या उपस्थितीत पुणे येथे बैठक संपन्न