समाजशील न्यूज नेटवर्क,शिरूर,पुणे : (देवकीनंदन शेटे,संपादक) – आज दि. २३ ला जिल्हा परिषद प्राथमिक शाळा गावठाण कवठे येमाई ता.शिरूर येथे पालक,शिक्षक,ग्रामस्थ समन्वय व विविध समस्या उपाय योजना संदर्भात झालेल्या सहविचार बैठकीत शाळेसाठी लागणाऱ्या भौतिक सुविधांसाठी अनेक ग्रामस्थांनी मदतीचा हात पुढे केल्याने आजच सुमारे ७० हजार रुपये मदत मिळाल्याचे मुख्याध्यापिका रंजना गावडे,खोमणे यांनी सा.समाजशील शी बोलताना सांगितले. कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष भरत भोर हे होते.
तर या बैठकीसाठी शाळा व्यवस्थापन समितीचे दोन उपाध्यक्ष,संचालक,ग्रामस्थ,पा
शाळेच्या भौतिक सुविधांसाठी स्वेच्छेने मदत करा : प्रा.सुभाष अण्णा शेटे,तज्ञ शिक्षण संचालक,शाळा व्यवस्थापन समिती
” ज्या शाळेत शिकून आपण लहानाचे मोठे झालो त्याच शाळेत आपली मुले,नातवंडे शिक्षणाचे बाळकडू घेत आहेत. कवठे येमाई गावठाणातील आपली जिल्हा परिषद प्राथमिक शाळा एक आदर्शवत शाळा असून सुमारे २७० विद्यार्थी एक ते सातवी पर्यंतचे शिक्षण घेत आहेत.आपल्या शाळेप्रती कृतज्ञता म्हणून आपण दिलेल्या आर्थिक,वस्तुरूपी योगदानातून शाळेच्या भौतिक सुविधांत मोठीच मदत होणार असल्याने शाळेचे माजी विद्यार्थी,मान्यवर ग्रामस्थ,पालक,दानशूर,उद्योजक यांनी माझी शाळा,आपली शाळा समजून अधिकाधिक व सर्वोतोपरी मदतीचा हात द्यावा.”
