शिरूर पोलिसांची सरदवाडीतील राजहंस लॉजवर धडक कारवाई! अनैतिक मानवी व्यापार प्रकरणी तिघांना अटक; रोख रकमेसह ग्राहकांच्या नोंदींचे रजिस्टर जप्त

समाजशील न्यूज नेटवर्क,.शिरूर,पुणे : (प्रा.सुभाष शेटे,कार्यकारी संपादक) – शिरूर पोलीस स्टेशनच्या हद्दीतील सरदवाडी येथील राजहंस लॉजवर शिरूर पोलिसांनी कारवाई करत अनैतिक मानवी व्यापार प्रतिबंधक कायद्यांतर्गत तिघांना अटक केली आहे. लॉजमध्ये एका महिलेकडून वेश्याव्यवसाय करवून घेतला जात असल्याची माहिती मिळाल्यानंतर पोलिसांनी दि. १९ ऑक्टोबर २०२६ रोजी सायंकाळी सुमारे ६.२० वाजता ही कारवाई केली. या कारवाईत संबंधित महिलेला सुरक्षित ताब्यात घेण्यात आले असून, घटनास्थळावरून रोख रक्कम, कंडोमची पाकिटे आणि ग्राहकांच्या नोंदी असलेले रजिस्टर जप्त करण्यात आले आहे.
आर्थिक फायद्यासाठी वेश्याव्यवसाया स प्रवृत्त केल्याचा आरोप
पोलिसांनी दिलेल्या माहितीनुसार, आरोपींनी स्वतःच्या आर्थिक फायद्यासाठी संबंधित महिलेला वेश्याव्यवसाय करण्यास प्रवृत्त केल्याचा आरोप आहे. या प्रकरणी शिरूर पोलीस स्टेशनमध्ये गुन्हा रजिस्टर क्रमांक ९४४/२०२६ अन्वये अनैतिक मानवी व्यापार प्रतिबंधक कायदा, १९५६ मधील कलम ३ व ४ नुसार गुन्हा दाखल करण्यात आला आहे.
या कारवाईदरम्यान महिलेला महिला पोलिसांच्या मदतीने सुरक्षिततेच्या दृष्टीने ताब्यात घेण्यात आले. घटनास्थळावरून एक हजार रुपये रोख रक्कम, ८० रुपये किमतीची न वापरलेली कंडोमची आठ पाकिटे आणि ग्राहकांच्या नोंदी असलेले रजिस्टर असा एकूण १ हजार ८० रुपयांचा मुद्देमाल जप्त करण्यात आला.
या प्रकरणात पोलिसांनी खालील तिघांना अटक 
१. अनिल किसन डांगे (वय ४२, रा. इंदिरानगर, शिरूर, जि. पुणे).
२. सचिन महादेव जाधव (वय ३७, रा. राजहंस लॉज, सरदवाडी, ता. शिरूर, जि. पुणे).
३. पिंटू दोरगे (पूर्ण नाव माहीत नाही, रा. सरदवाडी, ता. शिरूर, जि. पुणे).
पोलिसांकडून पुढील तपास सुरू
या गुन्ह्याची नोंद पोलीस हवालदार पवार (बक्कल क्रमांक ३९८) यांनी केली असून, पोलीस कॉन्स्टेबल रविंद्र तात्याबा काळे यांनी फिर्याद दिली आहे. पोलीस उपनिरीक्षक चव्हाण या प्रकरणाचा पुढील तपास करीत आहेत.सरदवाडी येथील राजहंस लॉजवर करण्यात आलेल्या या कारवाईमुळे परिसरात चर्चा सुरू झाली आहे. अनैतिक मानवी व्यापारासारख्या गंभीर प्रकारांना आळा घालण्यासाठी पोलिसांनी केलेल्या या कारवाईकडे लक्ष वेधले जात आहे.