पुणे जिल्हा परिषद, पंचायत समितीच्या निवडणुकीसाठी प्रारूप आराखड्यानूसार शिरूर तालुक्यात जिल्हा परिषदेचे एकूण ७ गट, पंचायत समितीचे १४ गण सन २०११ च्या जनगणनेनुसार तयार केले आहेत. शिरूर तालुक्यात कवठे येमाई, न्हावरे, रांजणगाव गणपती,पाबळ, सणसवाडी, शिक्रापूर तसेच मांडवगण फराटा असे ७ जिल्हा परिषदेचे गट तयार करण्यात आले आहेत. नवीन आराखड्यानूसार तळेगाव ढमढेरे जिल्हा परिषद गट विसर्जित करण्यात आला आहे. तळेगाव ढमढेरे गावाचे दोन गटात विभाजन करण्यात आले आहे. गट तर विसर्जित केलाच परंतु गावातील एक प्रभाग सणसवाडी गटाला जोडला असून उर्वरित दोन ते सहा प्रभाग शिक्रापूर गटाला जोडले आहेत. शिक्रापूर गटामध्ये शिक्रापूर, कासारी, निमगाव म्हाळुंगी, तळेगाव ढमढेरे,पारोडी,दहिवडी,करंजावणे, भांबर्डे, उरळगाव, टाकळीभीमा ही गावे समाविष्ट करण्यात आली आहेत. सणसवाडी गटात कोरेगाव भीमा,वाडा पुनर्वसन,आपटी, वढू बुद्रुक,डिंग्रजवाडी,वाजेवाडी, सणसवाडी,धानोरे,दरेकरवाडी, विठ्ठलवाडी, तळेगाव ढमढेरे या गावांचा समावेश करण्यात आलेला आहे. तळेगाव ढमढेरे गावात एकूण ६ प्रभाग आहेत.त्यापैकी प्रभाग क्रमांक १ सणसवाडी जिल्हा परिषद गटाला जोडला आहे तर प्रभाग क्रमांक २ ते ६ शिक्रापूर गटाला जोडले आहेत. ग्रामपंचायत कार्यालयासमोरील पटांगणावर झालेल्या सभेत बोलताना शेतकरी संघटनेचे शिरूर तालुकाध्यक्ष , तळेगाव ढमढेरे येथील श्री.राजेंद्र गोविंदराव ढमढेरे यांनी सांगितले, मोर्चाच्या पूर्वतयारीसाठी ग्रामपंचायतीमध्ये झालेल्या मिटींगमध्ये गावातील प्रतिष्ठित मंडळी उपस्थित होती. कायदेतज्ज्ञही उपस्थित होते.न्यायालयीन लढाईसाठी आम्ही आमची ताकद लावू असे कायदेतज्ज्ञांनी सांगितले आहे.राजकीय मंडळींनीही सांगितले आहे, आम्ही आमची राजकीय ताकद लावून प्रशांसनापर्यंत आपल्या भावना पोहचवू.काही मंडळींनी आर्थिक दृष्ट्या सहकार्य करण्याची भावना दाखवली आहे. इतर राजकीय पदाधिका-यांनीही आपले मनोगत यावेळी व्यक्त केले. ग्रामसभेस ग्रामपंचायत पदाधिका-यांसह , राजकीय पदाधिकारी, महिला पदाधिकारी तसेच ग्रामस्थ मोठ्या संख्येने उपस्थित होते.
