रामलिंग महिला उन्नती संस्थेकडून कर्तृत्ववान महिलांचा गौरव : जागतिक महिला दिनानिमित्त तालुकास्तरीय पुरस्कार वितरण सोहळा उत्साहात संपन्न 

समाजशील न्यूज नेटवर्क,शिरूर,पुणे : (देवकीनंदन शेटे,संपादक) – रामलिंग महिला उन्नती बहुउद्देशीय सामाजिक संस्था, रामलिंग (शिरूर) जि.पुणे यांच्या वतीने जागतिक महिला दिनानिमित्त तालुकास्तरीय कर्तृत्ववान महिला पुरस्कार वितरण सोहळा मोठ्या उत्साहात संपन्न झाला. हा कार्यक्रम शनिवार, दिनांक ७ मार्च २०२६ रोजी सकाळी ११ वाजता बाबुराव नगर येथील डेक्कन स्कूल येथे आयोजित करण्यात आला होता.
कार्यक्रमाची सुरुवात मान्यवरांच्या हस्ते सरस्वती माता,सावित्रीबाई फुले, माँ साहेब जिजाऊ तसेच गणपती बाप्पा यांच्या प्रतिमेला पुष्पहार अर्पण करून करण्यात आली. त्यानंतर दीपप्रज्वलन करून कार्यक्रमाला औपचारिक प्रारंभ करण्यात आला.या प्रसंगी जिल्हा परिषद सदस्य बबन वाळके, शिरूर नगराध्यक्षा ऐश्वर्या पाचर्णे, शिरूर पंचायत समिती सदस्य स्वाती घावटे, नगरसेविका सुनीता पोटे, नगरसेविका आयशा सय्यद, अखिल भारतीय मराठा महासंघ तालुका अध्यक्ष शामकांत वर्पे, अन्नापूर ग्रामपंचायत सदस्य केशव शिंदे, डेक्कन एज्युकेशन सोसायटी स्कूलचे प्राचार्य समीर ओंकार, शीतल शर्मा तसेच शिक्षकवृंद,विद्यार्थी,विद्यार्थिनी मोठ्या संख्येने उपस्थित होते.

समाजातील विविध क्षेत्रांमध्ये उल्लेखनीय कार्य करणाऱ्या ८ कर्तृत्ववान महिलांचा ट्रॉफी, शाल, श्रीफळ आणि पुष्पगुच्छ देऊन सन्मान करण्यात आला. यामध्ये स्वाती घावटे, वर्षा काळे, जयश्री दांडगे, गीता आढाव, डॉ. कल्याणी सुभाष शेटे, अ‍ॅड. पल्लवी येवले, गौरी रासकर तसेच सरस्वती महिला बचत गट (रामलिंग – ओम रुद्रा कॉलनी) यांचा समावेश होता.
हा कार्यक्रम महिला सशक्तीकरणाला चालना देण्यासाठी तसेच समाजातील कर्तृत्ववान महिलांच्या कार्याचा गौरव करण्यासाठी आयोजित करण्यात आला होता. विद्यार्थ्यांनीही समाजात चांगले कार्य केले तर त्यांचाही नक्कीच सन्मान होतो, असा संदेश वरिष्ठ पत्रकार प्रा.सुभाष शेटे व प्रा.सतीश धुमाळ यांनी यावेळी दिला.