मुरबाड,ठाणे : तालुक्यातील मोरोशी प्राथमिक आरोग्य केद्रांची संरक्षण भिंत तोडल्याने हि भिंत :तोडणाऱ्या चौघांवर गुन्हा दाखल करण्यात आला असुन दोन जण अटकेत तर दोन फरार असल्याची माहीती टोकावडे पोलिसांनी दिली
प्राथमिक आरोग्य केंद्र मोरोशी येथील संरक्षण भिंत तोडल्याने चार जणांनावर गुन्हा दाखल करण्यात आला आहे. त्यातील कांताराम कुशा पारधी व मधुकर कुशा पारधी या दोघाना अटक करण्यात आली असून या गुन्ह्यातील आणखी दोघे जण फरार झाले आहेत.
दोन दिवसापुर्वी गावातील कांताराम कुशा पारधी व त्यांचा भाऊ मधुकर कुशा पारधी यांनी टॅक्करच्या सह्याने हि भिंत तोडली होती.या बाबत वैद्यकीय अधिकारी डॉ. संतोषी शिंदे यांनी टोकावडे पोलीस ठाण्यात गुन्हा दाखल केला होता.या प्रकरणी टोकावडे पोलीस घटनास्थंळी गेले असता मधुकर कु.पारधी व कांताराम कुशा पारधी यांनी पोलिसांबरोबर भांडण केले .या भांडणात मदत करणाऱ्या दोंघावर पोलिसांनी कारवाई केली असुन रामीबाई कुशा पारधी व सुमन मधुकर पारधी अशी त्यांची नावे आहेत.या जागेबद्दल न्यायालयीन वाद सुरु होता.न्यायालयाने संरक्षण भिंत बांधकाम करण्यासाठी परवानगी दिली होती.तरी सुध्दा कोर्टाचा अादेश धाब्यावर बसवून या दोघांनी टॅक्टर लावून संरक्षण भिंत पाडली. हि भिंत 68 मिटर लांब असुन अंदाजे किमंत १ लाख रुपये खर्च करुन भिंत तयार करण्यात आली होती त्यामुळे शासकीय मालमत्तेचे नुकसान भरून देण्यास भाग पाडणार असल्याचे पोलीस निरीक्षक धनंजय पोरे यांनी सा.समाजशीलशी बोलताना सांगितले.
प्रतिनिधि,जयदीप अढाईगे,(सा.समाजशील,मुरबाड)
