ह.भ.प. वैभव महाराज झेंडे, ह.भ.प.शुभम महाराज पोकळे ,ह.भ.प. गणेश महाराज भगत, ह.भ.प.बालाजी महाराज कुलथे, ह.भ.प.ज्ञानेश्वर माऊली कदम, ह.भ.प.विद्याताई जगताप,ह.भ.प.गणेश महाराज ओझरकर यांचे कीर्तन, ह.भ.प.राजेंद्र महाराज गरूड, ह.भ.प.कैलास महाराज कापरे, ह.भ.प.गणेश महाराज भांगडे, ह.भ.प.हर्षदाताई इचके, ह.भ.प.गोविंद महाराज दौंडकर, ह.भ.प. शरद महाराज शास्त्री,ह.भ.प.रतनताई बोराटे यांचे प्रवचन सप्ताहकाळात पार पडणार असल्याचे शिक्रापूर ग्रामस्थांनी सांगितले.
संत तुकाराम भजनी मंडळ शिक्रापूर, गजलक्ष्मी महिला भजनी मंडळ शिक्रापूर, विठ्ठल रुक्मिणी भजनी मंडळ बजरंगवाडी, कानिफनाथ भजनी मंडळ माळ वस्ती, शिव शंभो भजनी मंडळ शिक्रापूर, भजनी मंडळ वाबळेवाडी, कल्पवृक्ष भजनी मंडळ शिक्रापूर या भजनी मंडळांचा हरिजागर सप्ताह काळात होणार आहे.
सोमवार दि.१४ एप्रिलला सकाळी ९ ते ११ यावेळेत ह.भ.प. सोपान महाराज सानप (शास्त्री) यांचे काल्याचे कीर्तन झाल्यानंतर विणेकरी तसेच अन्नदात्यांच्या सहकार्याने शिक्रापूर ग्रामस्थांनी आयोजित केलेल्या हरिनाम सप्ताह सोहळ्याचा समारोप काल्याचे कीर्तन पार पडल्यानंतर दुपारी १२ नंतर महाप्रसादाने होणार असल्याचे ग्रामस्थांनी सांगितले.
अखंड हरिनाम सप्ताह सोहळ्यामध्ये प्रख्यात कीर्तनकार, प्रवचनकार ज्ञानदान करणार असल्याने भाविकांनी ज्ञानामृताचा लाभ घ्यावा असे आवाहन शिक्रापूर येथील श्री भैरवनाथ देवस्थान ट्रस्टचे अध्यक्ष राजाभाऊ मांढरे पाटील, उपाध्यक्ष उत्तमशेठ गायकवाड यांनी केले आहे.
