समाजशील न्यूज नेटवर्क : शिक्रापूर, ता.शिरूर (-प्रतिनिधी, राजाराम गायकवाड) : येथील मोठ्या प्रमाणात झालेले नागरिकीकरण, शेती, जनावरे व पशुपक्षी यांची तहान भागवणे व पिकांना जागवण्यासाठी शिक्रापूर ग्राम पंचायतीच्या वतीने चासकमान कालव्यातून पाणी सोडण्याची मागणी करण्यात आली असून रणरणत्या उन्हाता शेतकरी, नागरिक, जनावरे व पशु-पक्षी यांच्यासाठी तरी आता पाणी सोडण्यात येणार का ? असा प्रश्न निर्माण झाला असून चासकमान बंधारे विभाग पाणी सोडण्यासाठी सकारात्मक विचार करुन तातडीने पाणी सोडतील असा विश्वास शिक्रापूरचे आदर्श सरोंच रमेश गडदे , ग्राम पंचायत पदाधिकारी व ग्रामस्थांनी व्यक्त केला.
शिक्रापूर येथील वेळ नदी बंधारे, राऊतवाडी व बुधे वस्ती, येथे पाऊस कमी झालेने पाणी नाही तसेच सध्या उन्हाळ्याचे दिवस असल्यामुळे विहिरींचे पाणी कमी झालेले आहे. सध्या चासकमान प्रकल्पाचे पाणी शिक्रापूर मधील वेळ नदीला सर्व ओढ्यांना व तळयामध्ये पाणी सोडण्यात यावे. पाणी सोडलेस पाणीपुरवठा विहिरीची व कुपनलीकेची पाणी पातळी वाढण्यास मदत होईल व गावातील वाड्या-वस्त्यांना पाणी पुरवठा करणे, पिके जगवणे शक्य होईल तसेच जनावरे जगवणे शक्य होईल. तरी वेळ नदी, बंधारे, राऊतवाडी व बुधे वस्ती, चारी नं. ११,१२, १३ ला चासकमान कॅनॉलचे पाणी सोडण्याची पत्राद्वारे विनंती करण्यात आली आहे. यावेळी आदर्श सरपंच रमेश गडदे , उपसरपंच वंदना भुजबळ, प्रकाश वाबळे, सुभाष खैरे ,रमेश भुजबळ ,तानाजी राऊत, दत्तात्रय राऊत ,पंढरीनाथ गायकवाड ,अनिल राऊत,शाखाधिकारी सुनील म्हस्के उपस्थित होते.
