समाजशील न्यूज नेटवर्क,पुणे : (सा.समाजशील वृत्तसेवा) – शिवसेना उद्धव बाळासाहेब ठाकरे पक्षात एकनिष्ठ शिवसैनिक म्हणून कार्यरत असणाऱ्या खराडी वाघोली परिसरातील अनेक प्रश्नांना हिरीरीने वाचा फोडणाऱ्या सौ अमृत कैलास पठारे यांनी पुणे महानगर निवडणुकीत खराडी,वाघोली प्रभाग क्रमांक ४ मधून पक्षाची अधिकृत उमेदवार (मशाल चिन्ह) उमेदवारी अर्ज दाखल केला असून मतदारांच्या गाठीभेटी घेत प्रचारास जोरदार सुरुवात देखील केल्याचे पाहावयास मिळत आहे. सौं अमृत कैलास पठारे मागील १० ते १५ वर्षांपासून अमृत पठारे या भागात पक्षाची एकनिष्ठ कार्यकर्ती म्हणून लोकसेवेचे प्रामाणिकपणे कार्य करीत आहेत. त्यांचा परिसरात जनसंपर्क ही दांडगा असून आजपर्यंत पठारे यांनी केलेली जनसेवेची कामे लक्षात घेत अमृतताई पठारे यांना पुणे महानगरपालिका सार्वत्रिक निवडणूक २०२६ साठी शिवसेना (उद्धव बाळासाहेब ठाकरे) पक्षाच्या अधिकृत चिन्हावर (मशाल) उमेदवारी मिळाली आहे.
सौ अमृत कैलास पठारे : शिवसेना उद्धव बाळासाहेब ठाकरे पक्ष (मशाल चिन्ह)
“शिवसेनेची विचारधारा, हिंदू हृदयसम्राट बाळासाहेब ठाकरे यांचे स्वप्न आणि सामान्य माणसाचा आवाज पुढे नेण्यासाठी हा लढा असून केवळ सत्ता नव्हे तर सेवा हेच आमचे,माझे,ध्येय आहे.आपल्या प्रभागाच्या उज्ज्वल भविष्यासाठी, विकासाची घडी अधिक मजबूत करण्यासाठी आणि जनतेच्या प्रश्नांसाठी खंबीरपणे उभे राहण्यासाठी आपला आशीर्वाद आणि साथ आवश्यक असल्याचे आवाहन पठारे यांनी केले आहे”.
