समाजशील न्यूज नेटवर्क,शिरूर,पुणे : (प्रा.सुभाष शेटे,कार्यकारी संपादक) – शिरूर तालुक्यातील मलठण येथील श्री भैरवनाथ मंदिर सभागृहात काल दि. १० ला एस आय आर मॅपिंग व मतदान केंद्रस्तरीय अधिकारी कामकाजाबाबत महत्त्वपूर्ण मार्गदर्शन बैठक पार पडली. या बैठकीत जुन्नर उपविभागीय अधिकारी अर्चना तांबे,शिरूरचे तहसीलदार बाळासाहेब म्हस्के,आंबेगावचे तहसीलदार सचिन वाघ तसेच तहसील कार्यालयातील वरिष्ठ अधिकाऱ्यांनी उपस्थित राहून सुपरवायझर,मतदान केंद्रस्तरीय अधिकाऱ्यांना योग्य ते मार्गदर्शन करीत सविस्तर सूचना दिल्या.
बैठकी दरम्यान एस आय आर मॅपिंग तसेच (प्रोजिनी) प्रणालीद्वारे माहिती नोंदविण्याबाबत मार्गदर्शन करण्यात आले. संबंधित कामकाजाचा आढावा घेताना आतापर्यंत हे काम अत्यंत सावकाशपणे सुरु असून उर्वरित कामकाज वेळेत पूर्ण करण्यासाठी पुढील दोन दिवस शनिवार व रविवार या काळात एस आय आर मॅपिंग विशेष मोहीम राबवून अधिकाऱ्यांनी याबाबत अचूक माहिती नोंदविण्यावर भर देण्याचे निर्देश दिले. या उपक्रमामुळे निवडणूक प्रक्रियेतील माहिती अधिक अचूक व अद्ययावत होण्यास मदत होणार असल्याचे अधिकाऱ्यांनी सांगितले.
बैठकी दरम्यान एस आय आर मॅपिंग तसेच (प्रोजिनी) प्रणालीद्वारे माहिती नोंदविण्याबाबत मार्गदर्शन करण्यात आले. संबंधित कामकाजाचा आढावा घेताना आतापर्यंत हे काम अत्यंत सावकाशपणे सुरु असून उर्वरित कामकाज वेळेत पूर्ण करण्यासाठी पुढील दोन दिवस शनिवार व रविवार या काळात एस आय आर मॅपिंग विशेष मोहीम राबवून अधिकाऱ्यांनी याबाबत अचूक माहिती नोंदविण्यावर भर देण्याचे निर्देश दिले. या उपक्रमामुळे निवडणूक प्रक्रियेतील माहिती अधिक अचूक व अद्ययावत होण्यास मदत होणार असल्याचे अधिकाऱ्यांनी सांगितले.
तर मतदान केंद्रस्तरीय अधिकारी एस आय आर मॅपिंग व योग्य माहिती भरण्यास आगामी दोन दिवसांत जे टाळाटाळ व हलगर्जीपणा करतील त्यांच्यावर गुन्हा दाखल करून निलंबनाचे प्रस्ताव पाठविण्याच्या सूचना देखील देण्यात आल्याचे मलठण महसूल मंडल अधिकारी विजय फलके यांनी सा.समाजशील शी बोलताना सांगितले.
