निरा नरसिंहपूर : इंदापूर तालुक्यातील बावडा येथील रत्नाई निवासस्थानी माजी मंञी हर्षवर्धन पाटील यांचे हर्षवर्धन पाटील यांचे माजी मुख्यमंत्रीव प्रदेश काॅग्रेस कमिटीचे अध्यक्ष अशोक चव्हाण यांनी आज सोमवारी ( दि.21) दुपारी सांत्वन केले.
मातोश्री रत्नप्रभादेवी पाटील यांच्या निधनाबद्दल हर्षवर्धन पाटील यांचे सांत्वन करणेसाठी अशोक चव्हाण यांच्या समवेत आखिल भारतीय काॅंग्रेस कमिटीचे सचिव व महाराष्ट्राचे प्रभारी पी.एन.संदिप हे आलेले होते.त्यांनीही हर्षवर्धन पाटील यांचे सांत्वन केले.यावेळी अशोक चव्हाण यांनी रत्नप्रभादेवी पाटील यांच्या प्रतिमेला पुष्पहार अर्पण करून श्रध्दांजली अर्पण केली.
याप्रसंगी भाग्यश्री पाटील,अंकिता पाटील,राजवर्धन पाटील तसेच आ.भारत भालके,पुणे जिल्हा काॅग्रेस पक्षाचे अध्यक्ष संजय जगताप, कल्याणराव काळे आदिंसह इंदापूर तालुक्यातील पदाधिकारी उपस्थित होते.
आज सोमवारी हर्षवर्धन पाटील यांचे आ.चंद्रदिप नरके, आ.भाऊसाहेब कांबळे, आ.मोनिका राजळे, माजी आमदार विलास लांडे, कृषितज्ञ बुधाजीराव मुळीक, मधुकर सहकारी साखर कारखाना फैजपूरचे अध्यक्ष शरद महाजन, जेष्ठ मार्गदर्शन सदाशिव सातव,माळीनगर कारखान्याचे चेअरमन रंजन गिरमे, गायक आनंद शिंदे, नरवीर उमाजी नाईक समाज सुधारक मंडळाचे प्रदेशाध्यक्ष वसंतराव चव्हाण तसेच अनेक नेते, सर्वपक्षीय पदाधिकारी, शासकीय अधिकारी, इंदापूर तालुक्यात गावोगावचे नागरीक यांनी पाटील कुटुंबियांचे सांत्वन केले.
– प्रतिनिधी,बाळासाहेब सुतार,(सा.समाजशील,निरा नरसिंहपूर,पुणे)
