सौर ऊर्जा – निसर्ग सुरक्षित ठेवण्याचा शाश्वत व सुरक्षित मार्ग – शिवाजी बबनराव गावडे,प्राथमिक शिक्षक पुणे मनपा

समाजातील न्यूज नेटवर्क,शिरूर,पुणे : (प्रा.सुभाष शेटे,कार्यकारी संपादक) – सकाळी उठल्यावर आपण पहिले काय करतो? लाईट लावतो, मोबाईल चार्ज करतो, गिझर लावतो. ही सगळी वीज कुठून येते? 70% वीज अजूनही कोळसा जाळून येते. म्हणजे आपण रोज सकाळी उठून नकळत निसर्गाचा गळा दाबतोय.
यावर एकच आणि एकमेव कायमचा उपाय आहे – सौर ऊर्जा.
 आजची ऊर्जा निसर्गाला कशी मारते? – कोळसा आणि पेट्रोल = प्रदूषणाचा कारखाना
– 1 युनिट कोळशाची वीज = 1 किलो CO2 हवेत – त्यामुळे पृथ्वीचे तापमान गेल्या 100 वर्षात 1.2°C ने वाढले – महाराष्ट्रातच गेल्या 5 वर्षात अवकाळी पावसाने 40% पिके वाया गेली.आपण AC लावून थंड होतो, पण बाहेर निसर्ग आणखी गरम होतो. हा कोणता न्याय? 2. सौर ऊर्जा – निसर्गाशी मैत्री करणारी एकमेव ऊर्जा,सूर्य रोज उगवतो, कधी बिल पाठवत नाही, कधी संपत नाही.

सौर ऊर्जेचे 4 मोठे फायदे:
अ) शून्य प्रदूषण: सोलर पॅनेलमधून धूर नाही, राख नाही, आवाज नाही. फक्त शुद्ध वीज, ब) मोफत आणि अमर्याद: सूर्य पुढचे 500 कोटी वर्षे आहे. कोळसा फक्त 50 वर्षे उरला आहे,क) पाण्याची बचत: कोळशाच्या एका वीज प्रकल्पाला रोज 2 कोटी लिटर पाणी लागते. सोलर ला एक थेंबही लागत नाही. विदर्भात पाण्याची हीच खरी बचत आहे.ड) प्रत्येकाच्या छतावर वीज कारखाना: कोळशासाठी मोठी जमीन, खाण, रेल्वे लागते. सोलरसाठी फक्त तुमचे छत पुरेसे आहे.एक लक्षात ठेवा एक लक्षात ठेवा तुमच्या घरावर 2.5kv सोलर प्लांट लावला तर वर्षाला 2.5 टन CO2 असतो म्हणजेच 40 झाडे लावण्यासारखे आहे.

3. सौर ऊर्जेमुळे निसर्ग कसा वाचेल?
जंगल वाचेल: कोळसा खाणीसाठी महाराष्ट्रातच 10,000 हेक्टर जंगल तोडले गेले. सोलर मुळे खाणी बंद होतील.पाणी वाचेल: औष्णिक वीज प्रकल्पामुळे चंद्रपूर, कोराडीचे तलाव गरम आणि प्रदूषित झाले. सोलर मुळे ते थांबेल.प्राणी वाचतील: हवेचे प्रदूषण कमी झाले की मधमाशा, चिमण्या परत येतील.शेतकरी वाचेल: सोलर पंपामुळे दिवसा मोफत पाणी, रात्री चांगली झोप, आणि विज बिल शून्य.
4. मग आपण का थांबलोय?
सरकारने आता सगळे दरवाजे उघडले आहेत – पीएम सूर्य घर योजना: 78,000 रुपये अनुदान- नेट मीटरिंग – जास्त वीज महावितरणला विका, पैसे मिळवा- बँकेचे कर्ज 7% व्याजावर,एका सामान्य कुटुंबाचे महिन्याचे 1500 रुपयांचे लाईट बिल, सोलर नंतर 50 रुपयांवर येते. गुंतवणूक 4 वर्षात वसूल होते, पुढची 21 वर्षे वीज मोफत.
निष्कर्ष
आपल्या आजोबांनी विहिरी खोदून पाणी जपले. आपल्याला छतावर सोलर लावून निसर्ग जपायचा आहे.कोळसा जाळून आपण मुलांसाठी राखेचा ढिग सोडून जाणार की सूर्य पकडून त्यांच्यासाठी निळे आकाश आणि स्वच्छ हवा सोडून जाणार?इंधन जाळून प्रकाश मिळवणे ही जुनी संस्कृती झाली.आता सूर्य पकडून निसर्ग वाचवणे, हाच एकमेव आधुनिक मार्ग आहे.सूर्य प्रत्येकासाठी उगवतो. आता त्याची ऊर्जा प्रत्येकाने वापरायची वेळ आली आहे.