शिरूर,पुणे (देवकीनंदन शेटे,संपादक) – आखिल खिल भारतीय श्री स्वामी समर्थ सेवा व आध्यात्मिक विकास मार्ग दिंडोरी सद्गुरु प.पु. मोरेदादा प.पु. गुरुमाऊली यांच्या आशीर्वादाने व पुणे जिल्ह्यातील स्वामी भक्तांचे प्रेरणा स्थान सतिश दादा मोटे साहेब यांच्या प्रमुख उपस्थितीत शिरूर तालुक्यातील कवठे येमाई येथे ग्रामदैवत श्री येमाई देवीच्या नवरात्र उत्सवा निमित्ताने मंगळवार दि. ०८ रोजी
श्री येमाई देवी प्रांगणात सामुदायिक श्री दुर्गा सप्तशती पाठ व सत्संग सोहळा आयोजित करण्यात आल्याची माहिती श्री स्वामी समर्थ सेवा केंद्र कवठे अध्यक्षा नंदा माटे यांनी सा.समाजशील शी बोलताना दिली.
अश्विन नवरात्र उत्सवा निमित्ताने विशेष सेवा आई भगवतीची उपक्रमा अंतर्गत श्री येमाई मातेच्या पदस्पर्शाने पावन झालेल्या कवठे येमाई, ता. शिरूर, जि. पुणे येथे उद्या मंगळवारी सामुदायिक श्री दुर्गा सप्तशती पाठ व सत्संग सोहळा आयोजित करण्यात आला असून यावेळी सतिशदादा मोटे साहेब (पुणे जिल्हा प्रेरणास्थान) गुरुकन्या पल्लवीताई मोटे यांची प्रमुख उपस्थिती राहणार आहे. सकाळी १०.३० वा. श्री स्वामी समर्थांची महाआरती,११.०० वा. सामुदायिक श्री दुर्गा सप्तशती पाठ, दुपारी १२.३० वा.सतिशदादा मोटे साहेब
यांचे अमृततुल्य हितगुज,त्यानंतर दुपारी ०१.३० वा. महाप्रसाद वाटप करण्यात येणार असल्याची माहिती समस्त ग्रामस्थांनी दिली.
