श्री संजीव मांढरे यांना गुणवंत मुख्याध्यापक पुरस्कार

शिक्रापूर, ता.शिरूर (-प्रतिनिधी, राजाराम गायकवाड) : निमगाव म्हाळुंगी येथील विद्या विकास मंदिर विद्यालयाचे  मुख्याध्यापक श्री संजीव जयवंतराव मांढरे यांना महाराष्ट्र राज्य शिक्षक परिषद पुणे जिल्हा यांच्या वतीने देण्यात येणारा “जिल्हास्तरीय गुणवंत पुरस्कार” शिक्षक आमदार जयंत आसगावकर सर यांच्या हस्ते प्रदान करण्यात आला. कार्यक्रमाच्या अध्यक्षस्थानी माजी आमदार सूर्यकांतकाका पलांडे होते. यावेळी माजी शिक्षक आमदार भगवानराव साळुंखे, मुख्याध्यापक संघाचे जिल्हाध्यक्ष नंदकुमार सागर, तालुका मुख्याध्यापक संघाचे अध्यक्ष तुकाराम बेनके, शिक्षक परिषदेचे राज्य कार्यकारणी सदस्य गुलाबराव गवळी ,संजय सातपुते ,जिल्हाध्यक्ष निलेश काशीद, कार्यवाह महेश शेलार, तालुका अध्यक्ष प्रवीण आढाव उपस्थित होते. शाळेत राबविलेले विविध उपक्रम ,स्वच्छ सुंदर शाळा ,मुख्यमंत्री माझी शाळा सुंदर शाळा, महावाचन प्रकल्प ,शिक्षण सप्ताह, क्रीडा स्पर्धेमध्ये राष्ट्रीय स्तरावर चमकलेले खेळाडू ,शासकीय चित्रकला स्पर्धेत विद्यार्थ्यांनी राज्य स्तरावर मिळवलेले यश ,लोकनृत्य स्पर्धेमध्ये जिल्हास्तरावर मिळवलेले यश ,एन एम एम एस शिष्यवृत्ती परीक्षा, मंथन परीक्षा ,विविध स्पर्धा, विज्ञान प्रदर्शन यामध्ये मिळवलेले यश यामुळे मुख्याध्यापक श्री.संजीव मांढरे यांना हा पुरस्कार देण्यात आला.