समाजशील न्यूज नेटवर्क,शिरूर,पुणे : (प्रा.सुभाष शेटे,कार्यकारी संपादक) – मागील कित्येक वर्षांपासून विविध प्रश्नी यशस्वी आंदोलने,शेतकऱयांचे विविध प्रश्न सोडविण्याकामी विशेष पुढाकार घेणारे व बंद पडलेल्या घोडगंगा सहकारी साखर कारखान्या संदर्भातीतील विविध प्रश्नांचा पाठपुरावा करून त्याचा उलगडा करीत जनतेसमोर प्रभावीपणे मांडण्याचे सातत्याने प्रयत्न करणारे भाजपा उद्योग आघाडी महाराष्ट्र प्रदेशचे उपाध्यक्ष संजय पाचंगे यांनी शिरूर हवेली मतदार संघातून अखेर अपक्ष म्हणून अर्ज दाखल करीत शड्डु ठोकला आहे.यावेळी शिरुर तालुक्यातील अनेक भाजपचे आजी माजी पदाधिकारी उपस्थित होते.विशेष म्हणजे भाजपाचे स्व.आमदार बाबुराव पाचर्णे यांची व भाजपची चांगली ताकद असलेल्या शिरुर हवेली तालुक्यात संजय पाचंगे यांचा असलेला मोठा गोतावळा,नातेसंबंध,स्नेह संबंध व लोकाभिमुख कार्य करण्याची त्यांची हातोटी पहाता या मतदारसंघातून ते काटे की टक्कर देतील असा अंदाज व्यक्त होत आहे. पुणे जिल्ह्याच्या ग्रामीण भागातून भाजपच्या वाट्याला राहुल कुल यांच्या रूपाने दौंड ची एकमेव जागा आली आहे.
महायुतीचा धर्म पाळताना लोकसभा निवडणुकीत राष्ट्रवादी उमेदवाराचे प्रामाणिक पने काम करुनही भाजपा कार्यकर्त्यांना डावलले जात आयाराम गयारामांनाच महत्त्व प्राप्त होत असूनपक्षाशी निष्ठावान व वर्षानुवर्षे भाजपचे काम करणाऱ्या कार्यकर्त्यांना डावलले जात असल्याचा सुर शिरूर हवेलीतील पक्षाच्या निष्ठावंत नेते कार्यकर्त्यांतून उमटत असुन भविष्यात पक्ष टिकवायचा असेल तर संघटीतपणे संघर्ष करावा लागेल असे आवाहन पाचंगे यांनी केले आहे.
या मतदार संघात नवीन राजकीय समीकरणे तयार होताना दिसत आहेत. शिरूर हवेलीतू न रा. कॉ. पक्षाचे अध्यक्ष शरद पवार गटाचे आमदार अशोक पवार यांच्या विरोधात घोडगंगा सहकारी साखर कारखाना बंद पडल्यामुळे जोरदार नाराजी असुन गेले ५ वर्षे भाजपा उद्योग आघाडी चे प्रदेश उपाध्यक्ष असलेले संजय पाचंगे यांनी घोडगंगा सहकारी साखर कारखान्यात झालेला एक हजार कोटी रुपयांचा घोटाळा उघडकीस आणला असुन एकमेव संजय पाचंगे हेच अशोक पवार यांना थेट विरोध करत असल्याने पाचंगे हे जरी अपक्ष उमेदवार म्हणून निवडणूक लढवणार असले तरी त्यांना शिरूर हवेलीतून उत्तम साथ मिळण्याची शक्यता आहे.संजय पाचंगे हे आमदार अशोक पवार यांना एक चांगला पर्याय ठरणार असल्याची चर्चा सुरु असून त्यांनी मागील पाच वर्षे आमदार अशोक रावसाहेब पवार यांना थेट विरोध करत अक्षरशः नाकीनऊ आणले आहे.शिरुर बस स्थानक बी ओ टी भ्रष्टाचार, पंचायत समिती बी ओ टी भ्रष्टाचार, बाजार समिती भ्रष्टाचार, राव लक्ष्मी फाउंडेशन भ्रष्टाचार, कोवीड व्हेंटीलेटर भ्रष्टाचार, व्यंकटेश क्रुपा शुगर मिल्स जातेगाव ची चौकशी अश्या अनेक बाबतीत आमदार अशोक पवार यांना धारेवर धरले आहे.पाचंगे यांनी केलेले टोल आंदोलन राज्यभर गाजले होते.एकुणच पाचंगे यांच्या तडाखेबाज कामामुळे त्यांची एक वेगळीच छाप मतदार संघात निर्माण झाली असुन माजी आमदार कै. बाबुराव पाचर्णे यांना गेल्या विधानसभेत झालेली दगाबाजी, ऊस उत्पादक शेतकरी, शिरुर, शिक्रापूर पंचक्रोशीतील त्यांचे नातेसंबंध, यामुळे पाचंगे हे चांगली लढत देऊ शकतात. तसेच भाजपने साथ दिल्यास व राष्ट्रीय स्वयंसेवक संघाने त्यांना मदत केल्यास विजयाची समीकरणेही नक्कीच बदलू शकतील अशी शक्यता वर्तवली जात आहे. शिरुर हवेली मधून भाजपचे संजय पाचंगे यांनी अपक्ष उमेदवारी दाखल केल्याने येथे अत्यंत अटीतटीची व चुरशीची लढत पाहावयास मिळू शकते.शिरुर,हवेलीतुन भाजपा च्या संजय पाचंगे यांच्या अपक्ष उमेदवारीची भाजपा च्या वरिष्ठ पातळीवरून दखल घेतली जाते का? की, पाचंगे यांचा अपक्ष अर्ज कायम राहतो ? याकडे जिल्ह्यातील राजकीय वर्तुळाचे लक्ष लागले आहे.
