समाजशील न्यूज नेटवर्क : शिक्रापूर, ता.शिरूर (-प्रतिनिधी, राजाराम गायकवाड) : राष्ट्राची खरी संपत्ती स्वाभिमानी व सुसंस्कृत नागरिक असून समृद्ध भारत घडवायचा असेल शिक्षण व संस्कार दर्जेदार व्हायला हवेत यासाठी समाजाने पुढाकार घ्यायला हवा. कर्तव्य फाउंडेशनच्या वतीने विद्यार्थ्यांचे सुसंस्कृत व उज्वल भविष्य घडविण्यासाठी कटिबद्ध असल्याचे प्रतिपादन कर्तव्य फाऊंडेशन या समाजसेवी संस्थेच्या अध्यक्षा मनीषा गडदे यांनी व्यक्त केले. कर्तव्य फौंडेशनच्या वतीने शिक्रापूर येथील जिल्हा परिषद शाळेतील विद्यार्थ्यांनी शिष्यवृत्ती परीक्षेत राज्य व जिल्हा स्तरावर नेत्रदीपक यश मिळवावे यासाठी कर्तव्य फाउंडेशनच्या वतीने शाळेतील विद्यार्थिनी व विद्यार्थ्यांना “लक्षवेधी ” प्रश्न संचाचे वाटप करण्यात आले. शिष्यवृती परिक्षेत मुलांच्या ज्ञानात भर पडावी व नेत्रदीपक यश मिळावे हा सदहेतू व प्रामाणिक उद्देश आहे. यावेळी कर्तव्य फौंडेशनच्या संस्थापिका/अध्यक्षा मनिषा गडदे, तज्ञ संचालक नवनाथ सासवडे, फौंडेशनचे अकुंश घारे, शिक्षण कमिटीचे अध्यक्ष सन्नी जाधव, सदस्य संतोष काळे, मुख्यध्यापिका साधना बेंद्रे ,उद्योजक  हार्दीक गडदे, पप्पू कुरे ज्येष्ठ पत्रकार व फौंडेशनचे सदस्य राजाराम गायकवाड आदी मान्यवर उपस्थित होते.